飯後經

今晚約了M君出外晚膳。然後又直落漫談多個話題。天南地北，傾到打烊。當中所談及最多的，是寫blog的心得。有幾點話題，值得再三去玩味。包括：

• 有關金錢投資的真知焯見，會否在一定情況下，供諸同好呢？
• blog以及作者應該怎樣取名，方能切合blog的內容？
• 在blog裏應否發表單一的題材（皆因瀏覽者對博客的內容有一定的期望，分散題目有可能減低他們的耐性而不再光顧），還是以自己之好惡，在多方面的體會有所記錄呢？
• 有多經常發表以及字數，等等

M君對多個方面均有涉獵，尤其對財經及術數有興趣。聽他如數家珍的論述著對某事情的見解，我更鼓勵他應把這些都記載在文字中。

之後又東拉西扯，談到小說：金庸古龍梁羽生，風水術數，財經投資，公司營運等等。興之所致，無所不談。雖然我們只是在快餐廳內用膳，但卻甘滋如飴。正所謂：無肉令人瘦，無竹令人俗。愉快非因肉之味美，實因話題交流之無礙與相惜也。我相信，這類非正式的腦震盪，對自己的思維及見解一定有所進益。

湊巧，在clubhouse裏發表謬論之際，竟然給我們撞見年多沒有碰面的I君。找天也要跟他好好聚一聚。

雜燴 28-03-09

有一排無寫blog。交代下最近做o左咩先。

＊＊＊

上個禮拜五，公司攪年飯，去o左旺角o既大酒樓。我地好威咁包o左成半個場咁多。o野食不過不失啦。飯局中，學生小妹拿下唱歌第一名，我都戥佢高興。家陣仲有人同佢響facebook度整左個group。真係好架勢。

之後人少少，同幾個同事走o左去唱K。唱到半夜三更，夠晒盡興。

＊＊＊

番到屋企，凌晨三四點o拿o拿聲同寶貝BelleB換過D廁所，皆因第二朝要搭飛機。攪掂晒，己已經成五點鐘，差唔多要行人。

到我家陣呢個年紀，通完頂之後實在唔係咁過癮。上o左飛機之後即刻倒頭大睡。

我o地飛去邊度？知唔係馬國首府囉。純粹過去行行企企，休息番幾日。哈，又俾我o地撞到藝員韓君婷。佢真人絕對靚過上鏡，仲幾高添。響異地行o下呢度，食o下o個樣，咁又玩左兩日。

＊＊＊

番工依舊。Job #1 依然自動波，Job #2 依然老鼠拉龜（雖然我個人唔承認自己係老鼠），而Job #3就開始pick up緊。都好，學多門手藝始終好D。

＊＊＊

今日去探訪o左間社企，聽o下佢o地做既野同埋遇到既問題。發覺佢o地真係好有heart，好佩服。但係有時在商言商，唔係下下話要母公司泵水俾你，不計成本蝕住咁做就係偉大。做生意，就係要知道自己公司擅長做咩生意，先至可以有得計劃，有將來。公司企得住，咁先至真係幫到響個樹做D工友。正面D睇，所以咪有我地呢班Social Angels同佢地診下症囉。

除此以外，我最欣賞o既係，當中有來自唔同公司，甚至係中小企既老闆來做探訪，佢地所表達既意見都十分到題，果然應左一句成語─集思廣益。

＊＊＊

差D唔記得，我又開o左一支98年389。連老婆都話好飲。

Bye bye Laughing 哥

雖然我今晚食o左D澳洲芝士，好好味，但係無論如何都係要講o下阿Laughing哥。因為今晚Laughing哥響電視劇集「學警狙擊」裏面，o岩o岩因公殉職，俾條茂利射瓜o左。

番o左o黎香港，真係連電視都睇多o左。我已經盡量唔睇八卦同連續劇，點知呢個謝天華做個大配角做得咁成功，風頭絕對搶盡：兩條黃毛主角，同一條影硬照無敵，但戲味有限o既中坑。謝生靚仔就講唔上，但係正因佢好似爛躂躂咁，以為佢做梗古惑仔啦？點知原來係翻版陳永仁。攪到連冇咩追戲癮o既我都要睇o下先。好慶幸今晚親自目睹電視上Laughing哥中槍呢一幕，然後來個同聲一哭，為Laughing哥送行。

唔講可能你未必知，直到現時為止，在facebook內的Laughing哥專頁，已經有成七萬六人係佢fans，如果拖晒馬出街，一D都唔野少；而為了今晚Laughing哥在熒光幕上死去而留言的，已累積到成三千幾個。呢到可以睇到幾點：

1。真係好多人鐘意Laughing哥
2。雖然現今資訊媒體如此發達，但係依然有唔少人睇電視劇，至少今晚有唔少人捧Laughing哥場
3。原來呢班人當中，有好多都同我一樣，響樹一心多用，心不在焉咁一路上網一路做其他野，例如睇o下Laughing哥。悲觀D o黎睇，就係傳統媒體沒落lu，套戲都吸引唔到D人聚精會神去睇；相反樂觀咁睇，傳統媒體好得喎，仲可以增取到咁多觀眾支持。
4。伸延上一點。同步在網上同其他人討論劇情，攪到自己同人地好鬼有共鳴。所以：電視+慣性收視+網絡媒體，原來可以殺出一條新血路。

點解咁多人鐘意Laughing哥呢？有人話佢忍辱負重，係做大事o既人；有人話佢痴心情長劍；有人覺得佢似自己，明知眼前個篤係大野，你老細依然叫你去三年又三年。總之，好o既故事同角飾有趣之處，就係成個故事已經講完俾你聽，但你卻可以再三細味，去認同，或者唔認同。

呢個，就係睇故仔同寫故仔o既魅力所在。

日式自助餐

今晚同老婆及M君去o左上環有間日本餐廳度食自助餐。光線唔係咁充足，但係食物就幾新鮮。我份人咩野都食，今晚食物o既水準對我o黎講就已經係幾唔錯。

除o左食物以外，跟久未碰面的M君聚首亦是十分愉快的事情。聽他訴說著工作上的情況，自己十分汗顏，要努力加油至得。數o下數o下，唔經唔覺咁又成十年。一回首就發現，原來十年間大家可以變化好大。我諗我地要為下一個十年繼續奮鬥（如果唔係，到時無野講就唔係幾好）。

順便祝願剛剛乘坐五月花號抵達新大陸的R君，工作上能夠事事順利。你度度都去過，實得o既。

講o左咁耐，我肚入面個D牛肉魚生好似仲未消化晒。睇o黎要過多一陣先好目訓覺。

星期六深夜

查實，咩野叫做幸福呢？

好似依家咁：在深夜裏聽著一個不知名的網路Pop Song 電台；喝了一杯98年的Penfold's 389；看見老婆大人和寶貝BelleB在酣睡，這不是一種幸福嗎？

想著，我坐在這斗室內，雙手在鍵盤打字，在寫故事，平日則打白領工，懶理這場金融海嘯。人生在世，究竟要擁有多少才叫足夠？

最重要係，自己要懂得realise自己所擁有的。Count your blessing。

我想，我家陣過得真係唔錯。

美人，美食，美樂

悠揚的音樂，昏暗的燈光，寥寥幾人。我用右手隨意弄著手上的叉子，吃了一口blue cheese 。心想這真是幸福的感覺呀。

坐在鋼琴旁的是一位美女，有著混血的輪廓，那一頭的秀髮散落在肩上。她那靈巧的手指舞動在琴鍵上面，醉人的樂韻便從我的頭頂飄下來。然後，她清一清喉嚨，唱出了人間最美妙的歌聲。

咖啡來了。我手寫我心，聞著幽幽咖啡香，聽著清脆的歌聲。我真想把時間停留在這一刻。

現在，我用這些文字，去記下那一剎的幸福。

星空奇遇麥潤壽

公司除了股價低沉外，其實仲有閒錢來邀請嘉賓來講TALK。同大家分享下心得。好似今晚咁，就搵o左麥SIR，麥潤壽o黎講下人際關係。我本來無咩期望，純粹抱住睇名人心態參加下。

點知唔覺唔覺咁又個幾鐘頭。佢現場講TALK比個電台時鬼馬，可能是現場表演的關係吧。當中聽佢講關於與人溝通的技巧，以及他的個人經歷，有喜有悲，但他都懷著樂觀的心，開放的態度，娓娓道來。

今個晚上，雖然係微不足道的事，但係個心WARM o左成晚。

飯局

今晚呢個飯局其實係我發起o既，皆因老婆大人自己有約，我便找來大學同學K君相約吃晚飯，還有他的女友和J君。M君可惜有事在身，不然定會更加熱鬧。

飯局並非在大酒家，而是在一家經常光顧的小飯店，依然是小菜數碟，但滋味無窮。究竟是火候足夠，還是話多而投機，也許說不清。總之盡興之至。

在飯局中及回家路上，我對兩位朋友均有表達有意創作的心願，他們並沒有撥我冷水，反而向我大家鼓勵。

我心滿意足。多謝你們！！